قلتله "معدش الموضوع يفرق معايا "..قلتهاله وانا عارف اني بكذب..وهو كمان عارف..
قلتله "مش لازم اللي تحبه يحبك.."قاللي "ومين قالك انها مش بتحبك.."
قلتله "حاجات كتير مش ده وقتها"
"مش ممكن تكون فاهم غلط" قالهالي وهو متضايق.."قلتله وهي مهتميتش اني افهم صح"
قال "ومين قالك انها مهتميتش"..قلتله"هي عارفاني وعارفه"
قاللي "وانت عايز تقنعني ان كده خلاص بالنسبه لك.."
سكت ..
"على الاقل هحاول ..على الاقل مش هجبر نفسي اعمل حاجات مكنتش بعملها لحد.."
"مكنتش كده"
"انا عايز اكسب نفسي.."
"انت كده بتخسر نفسك "
سكت ومعرفتش ارد..
وكسرت المرايه ومشيت..
محمد
|
