بيقولوا اني اتولدت زي النهارده كده من 20 سنه..وان النهارده عيد ميلادي..والمفروض افرح كده وانعنش وانتشر..صعبه اوي كلمه زي دي..على الاقل بالنسبه لي..افرح ازاي وفي الوقت اللي انا بضغط على الكيبورد دلوقتي فيه شباب من اجدع رجاله في مصر بيتعذبوا في سجون ومعتقلات..افرح ازاي وانا شايف ان المستقبل بتاعي كل يوم بيبقى اضيق واضيق..افرح ازاي وانا شايف ان البلد اللي بحبها كل يوم بتبوظ اكتر و اكتر..مش كفايه مولود في شهر 5 الفقري اصلا واسألوا 80 مليون مواطن نفسهم يلغوا الشهر ده ..لأ وكمان مولود يوم 13..يعني الليله كملت ..من الاخر..مفيش عيد ميلاد..مفيش اي حاجه..كل سنه وانا طيب..ويارب متتكررش في بلد يكون الموت عشانها اسهل من العيش فيها.. |