عن المدونة
    مدونه شخصيه..مفيش نمط معين..اي حاجه عايز اكتبها هكتبها...
مدوناتي الأخرى
مدونات مشارك فيها
مدونات صديقة
منتديات مشارك فيها
الناس دي بتابعهم
الناس دي اتضحك عليهم…
الخميس، أغسطس 10، 2006
عايز واسطه
من موضوع لصديق لي في هذا المنتدى



يا جماعة انا اتخنقت بجد

الفكره اننا بعد وفاة والدي اله يرحمه لازوم ننقل السياره بإسم الورثة

اه معلش بقا ححكي وحصدعكوا شوية

المهم
رحنا علشان بقا خلاص فات اكثر من 5 شهور وطبعاً خلال ال 5 شهور اجرائات وخلافه

المهم رحنا المرور
قالولنا نجيب اعلام الوراثة جيبناه
رجعوا قالولنا هاتوا بقا ورقة توكيل من الورثة كلهم لواحد

نروح بقا علشان نعمل التوكيل مع العلم ان جدتي لوالدي من الورثة وبالطبع هي عاملة توكيل لعمي علشان يتحرك مكانها

المهم

اروح انا وماما وعمى للشهر العقاري
رحت عملنا طلب التوكيل وقالولنا روحوا المرور علشان المرور يتاعمل بالتوكيل من خلال الشهر العقاري اللي فيه

رحنا المرور

الراجل قالنا الخزنة قفلت ال الخميس نص يوم

الكلام ده الاسبوع اللي فات

طيب ياعم ماشي حنجيلك يوم تاني بس راجعلنا الورق كده نشوف لو حاجه ناقصة
قالنا تعالوا اليوم التالي

وبالنسبة لعمي مش بيكون فاضي غير الخميس
المهم رحنا بقا الخميس اللي هو النهارده علشان نخلص التوكيل ده وننقل الملكية

قالك بقا ايييييييييه لازم ناخد التوكيل الاصلي من عمي

طبعاً مينفعش علشان التوكيل ده توكيل عام وعلشان نطلع زيه شغلانه

قولناله ايه العمل قال ترجعوا تاني المحكمه تعملوا صورة طبق الاصل من التوكيل

سيبت اختي ووالدتي في المرور ورحنا المحكمة للشهر العقاري تاني

دوخوا عمي وبعدين قالوله الصورة اللي انت مصورها مش واضحة روح صور تاني

يروح يصور يلاقي الكهرباء قاطعة

رحنا اخر الدنيا صورنا ورجعناله

دفعنا 15 جنيه وقالنا تعالوا يوم السبت خدوا الصورة

صورة يا ناااااااااااااااااااااااااس حرام حرام والله كده حراااااااااام

كل ده علشان حتت ختم ولو فيه البيه فلان كانت العربيه اتشالت من مكانها واتعمل كل حاجاتها وجاتله وهو في التكييف

والله الله يرحم والدي الله يرحمه كان بيخلص الحاجات دي بسرعة

انا مش بشتكي المشاوير انا بشتكي السلبيه والتنبلة اللي بقا الموظفين فيها

بأي حق يطلب الموظف علاوة لما يفتح متأخر يعني يبدأ شغل متأخر وكمان يعطل مصالح الناس

بأي حق يقول انه مش عارف يعيش وهو اصلا مش بيحلل الفلوس اللي بيقبضها
طبعاً مهو مش بيأدي وظيفته يبقا ميستاهلش الفلوس اللي بتدفعهاله الحكومة

المهم انه بعد كل ده لازم اجيب جواب بقا من الجمرك علشان العربية منطقة حره اقول فيه ان العربية منطقة حره وملك والدي علشان تتنقل الملكية

مش فاهم ليه مع ان الرخصة جديدة ومكتوب فيها رقم العربية واسم المالك

طبعاً كده بنتحرك في المرور وفي الجمرك وفي الشهر العقاري وربنا على الظالم والمفتري

وحسبى الله ونعم الوكيل

معلش عكننت عليكم بس حبيت افضفض شوية


حسبي الله ونعم الوكيل
posted by محمد النقيب @ 5:34 م  
About Me

Name: محمد النقيب
Home: ismailia, ismailia, Egypt
About Me:
See my complete profile
كلام وانكتب
الأرشيف
لينكاتي
MY BLog iS a memBer of

مدونة مصرية /></a>
<br>
<a href=مجمع المدونات
تدوين
هيا تووت
BLOGGER