عن المدونة
    مدونه شخصيه..مفيش نمط معين..اي حاجه عايز اكتبها هكتبها...
مدوناتي الأخرى
مدونات مشارك فيها
مدونات صديقة
منتديات مشارك فيها
الناس دي بتابعهم
الناس دي اتضحك عليهم…
السبت، يونيو ١٧، ٢٠٠٦
ما بعد مبارك...(الرئيس 1)

تخيل انك تصحى الصبح كده في يوم..مارشات عسكريه في التليفزيون وقرءان..
تلاقي كل الناس في بيوتها ..
وكلمه واحده بتتردد..الريس مات..
دي ان شاء الله سلسلة مقالات ناوي اكتبها عن ما بعد مبارك ..كنت ناوي اكتبها من زمان بس

الامتحانات والمصايب اللي بتيجي من وراها..
انا في كل مقال هتناول نقطه معينه ..والنهارده انا هتناول ليه جمال مبارك...
---------------------------
ما بعد مبارك على ما اعتقد هو اضطرابات كتيره..ناس كتير من الفاسدين هتخاف وهتهرب

رؤوس اموال كتير بره البلد..لان بكل بساطه مفيش اي نظام واضح وسلس لانتقال السلطه للشخص المكلف من بعده ...بشكل اوضح مفيش نايب..ومعتقدش ان موضوع فتحي سرور (رئيس مجلس الشعب المزمن) يمسك الرئاسه مؤقتا لغاية ما تحصل انتخابات يتحدد فيها الرئيس (اساسا الانتخابات هتكون بين مين ومين..انا من دلوقتي برشح الحاج احمد الصباحي) ده موضوع مطروح من الاساس..
الناس كلها بتتكلم عن جمال مبارك كرئيس محتمل قادم على غرار اللي حصل في سوريا واللي هيحصل في ليبيا ..
انا بقى شايف غير كده..ليه..تعالوا نشوف سوا ..

اول حاجه جمال مبارك مش عسكري ..بمعنى اخر هو مدني ..ميعرفش دماغ العسكريين ولا هيقدر يضمن ان الجيش يبقى تحت سيطرته زي ماهو حاصل دلوقتي في عهد والده ..وطبعا انتوا عارفين ان السيطره على الجيش من اهم الحاجات المطلوبه عشان تقدر تمسك الرئاسه وتطمن لاي انقلاب وتطمن ان الجيش هو ملاذك الاخير لو تمرد عليك الامن المركزي (وده متوقع) زي ماحصل قبل كده...

تاني حاجه جمال مبارك خريفه بدأ خلاص..الشعب بيكرهه من دلوقتي اساسا ومعدش مقبول برغم كل محاولات الدعايه اللي بيعملها الاعلام القططي والكلابي ليه..ده غير انه خسر حظوته(ده ان كانت موجوده من الاول اساسا ) عند الجانب المسيحي في مصر بعد تصرفاته بعد احداث الاسكندريه الاخيره ..

ثالث حاجه اعداء جمال مبارك كتروا جدا..المعارضه و ال..حرس القديم.. ودول اللي قدروا يحافظوا على سلطة والده طول فترة حكمه كلها واكيد متضايقين من تحجيم جمال مبارك وصحابه ليهم وابعاده ليهم واحد واحد عن السلطه وعن مراكزهم القديمه واشك انهم ممكن يساعدوه (وهما اصحاب الخبره الكبيره في المكائد السياسيه) ..والحرس الجديد صحاب جمال مجرد رجال اعمال..مصالحهم اهم ..يعني ساعة الجد هيلاقيهم بيقولوا باي باي اند جود لاك..

دي اسبابي اللي في رأيي بتخلي ان موضوع جمال مبارك يبقى رئيس ده شيء صعب اوي..انتوا

ايه رأيكم..
posted by محمد النقيب @ ٤:٤٠ م  
الاثنين، يونيو ١٢، ٢٠٠٦
راح الضو..حطوا شاهين...بوش قال مانتوش لاعبين...
اعلن تنظيم القاعده في العراق عن اختيار خليفه للاخ اللي اتقلش ابو مصعب الزرقاوي..
ولم يكن الخليفه الجديد -وهو الشيخ ابو حمزه المهاجر-من الاسماء التي رشحها الخبراء ليخلف المقاتل ابو مصعب الزرقاوي في الكفاح ضد الامريكان...
وبهذا يثبت الامريكان غباء استخدام القوه ضد الافكار...

تحياتي للمقاومه الحقيقيه للاحتلال في العراق..ولعناتي لامثال الزرقاوي ممن يخدمون المحتل اكثر مما يخدمون الوطن..
posted by محمد النقيب @ ٨:٠٣ م  
About Me

Name: محمد النقيب
Home: ismailia, ismailia, Egypt
About Me:
See my complete profile
كلام وانكتب
الأرشيف
لينكاتي
MY BLog iS a memBer of

مدونة مصرية /></a>
<br>
<a href=مجمع المدونات
تدوين
هيا تووت
BLOGGER